காலை வணக்கம்

உங்களிடம் இருக்கும் திறமையும் வெற்றியும் வெளிக்கொண்டு வர கடவுள் கொடுக்கும் பரிட்சை தான்
சோதனை.
நீங்கள் ஜெயிக்க போகிறீர்கள். அது தெரியாமல்‌ ஏன் கவலைப்பட்டு கொண்டிருக்கிறீர்கள். நம்பிக்கையோடு இருங்கள். இறைவன் உங்களோடு இருக்கிறார்.
உண்மையை பேசுங்கள். உங்களால் முடிந்ததைக் கொடுங்கள். ஒருபோதும் கோபப்படாதீர்கள். இந்த மூன்று படிகளும் உங்களை இறைவனை நோக்கி வழிநடத்தும்.

தேடும் அனைத்துமே கிடைப்பதில்லை, கிடைத்த அனைத்தும் தேடி கிடைத்ததுமில்லை,
எதையோ தேடி எதையோ பெற்று
எதையோ தொலைத்து, வெளியே சிரித்தும் உள்ளே தவித்தும் வாழும் வாழ்க்கை தான் கிடைத்திருக்கிறது.
இந்த வாழ்க்கையில் ஒருவர் ஏமாற்றுகிறார், இன்னொருவர்
வழிகாட்டுகிறார், மற்றொருவர் உதவுகிறார் இப்படித் தான் நகருகிறது.
மனிதனுக்கு நிம்மதி இல்லாமைக்கு ஒரே காரணம் அமிர்தமே கிடைத்தாலும் அதைவிட சிறப்பான ஒன்று இருப்பதாக மனம் நம்புவதால் தான்.
வாழ்வில் நிஜத்தை தேடுங்கள், நிஜமென்று நம்புவதையெல்லாம் தேடாதீர்கள்.

காலையில் கடற்கரைக்கு நடைப்பயிற்சி செல்லும் தாத்தாவுடன் ஒருநாள் பேரனும் சென்றான். அங்கு தியானத்தில் ஈடுபட்ட தாத்தாவின் தலை, தோள்களில் புறாக்கள் வந்தமர்ந்தன.
ஆனால் சலனம் இன்றி தியானத்தில் இருந்தார் தாத்தா.
கண்விழித்த தாத்தாவிடம் புறாக்கள் அமர்ந்த விஷயத்தை சொன்னான் பேரன்.
”நாளைக்கு வரும் போது புறாக்களை பிடித்துத் தாருங்கள் தாத்தா” என்றான் சிறுவன்.
பேரன் மீதுள்ள பாசத்தால் அவரும் சம்மதித்தார்.
மறுநாள் நடைபயிற்சி முடித்ததும் புறாக்களை பிடிக்க வேண்டும் என்ற ஆசையுடன் தியானத்தில் அமர்ந்தார்.
நேரம் கடந்ததே ஒழிய புறா ஒன்றும் வரவில்லை.
”என்னவென்றே புரியவில்லையே. ஒரு புறாவும் வரவில்லையே.” என்றார் தாத்தா.
புறாவும் கிடைக்கவில்லை. தியானமும் கைகூடவில்லை என்பதால் தாத்தாவும், பேரனும் ஏமாற்றமுடன் திரும்பினர்.
ஆர்வமுடன் ஈடுபடும் போது பணி எளிதில் நிறைவேறும். ஆசை மட்டும் இருந்தால் அதன் முடிவு என்னாகும் என்பதை விளக்கும் கதை இது…

மனம் கூட ஒரு கல்லறைதான் தினம் தினம் பல ஆசைகள் அங்கே புதைக்கப் படுவதால். மனஉறுதி இல்லாதவர்களுடைய உள்ளம் குழம்பிய கடலுக்கு சமனானது.

மனம் மறுத்து போய்விட்டால்
தன்னம்பிக்கை என்ற ஆணிவேர்
வலுவிழந்து போய்விடுகிறது.

மனம் தான் வாழ்வின் விளைநிலம். அதன் தன்மையைப் பொறுத்தே ஒருவரின் வாழ்வு அமைகிறது. நீங்கள் நல்லதை நினைத்து நகர்த்தும் செயல்கள் யாவும் நன்மைகளை
கொடுக்கும்.

நிம்மதியாக நீங்கள் வாழ
வேண்டுமெனில் உங்கள் மனதின்
கவலைகளை தூண்டிவிடும் சிலரை
சந்திப்பதையும், அவர்களைப் பற்றி
சிந்திப்பதையும் தவிர்த்துக்
கொள்ளுங்கள்.

கஷ்டங்களை பற்றி மட்டுமே பேசி கொண்டிருக்காதீர்கள்‌. எந்த பயனும் இல்லாத கஷ்டங்களை பற்றி பேசி கவலைப்படுவதை விட வாழ்வின் மகிழ்ச்சியான தருணங்களையும் நினைவு கூறுங்கள்.
பிடிவாதக்காரரிடம் வாதாடாதீர்கள். முடிவெடுத்தவரிடம் விவாதிக்காதீர்கள். புரிந்து கொள்ளாதவரிடம் பேச்சை தவிர்த்துக் கொள்ளுங்கள். உங்கள் பேச்சில் கவனமாக இருங்கள்.
உழைப்பதை ஒருபோதும் நிறுத்தாதீர்கள். ஏனென்றால், உழைப்பு மட்டும் தான் உங்கள் மரியாதையை அடுத்தவர்களிடம் உயர்த்திக்காட்டும்.
ஒருவருக்கு உதவி செய்ய முடியவில்லையே என்று மனம் வருந்தாதீர்கள். அவருக்கு உங்களால் எந்த உபத்திரமும் இல்லை என்று மன நிறைவு அடையுங்கள்

இந்த வாழ்க்கை எதை தேடிப்போகுறது…?
வாழ்க்கை எனபது ஓட்ட பந்தயமில்லை…
யார் முன்னே யார் பின்னே என்பதற்கு…
அது நடைப்பாதை
பிறப்பிலிருந்து இறப்பு வரை,
இதில் இன்பம் துன்பம்
எதுவும் நிரந்தரமில்லை…
இதைக் கடைசியில் புரிந்துக் கொண்டு
எந்தப் பயனுமில்லை…
இருக்கும் வரை அனைவரையும்
மகிழ வைப்போம்…
மனிதனை மனிதனாக மதிப்போம்
வாழ்க மனிதம்…!
ஓம் நமச்சிவாய
வாழ்க வளமுடன்…….

வலியின்றி சிரிக்கும் சிரிப்பிற்கு
வழியின்றி சிரிக்கும் சிரிப்பிற்கும்
அர்த்தங்கள் ஆயிரம் உண்டு..
வலிகளை சுமந்து வழியைத் தேடும்
பயணம் தான் வாழ்க்கை…

உங்களால் முடியாதென்று நீங்களே நினைத்து மூலையிலே முடங்கிக் கிடக்காதீர்கள்.
தோல்விகளைக் கண்டு துவண்டு போகாதீர்கள்..
உறங்கும் விதை விழிக்கும் வரை…
உறையிட்ட வெற்றுப் பொருள் தான்…
உறங்கும் மனிதா நீங்கள் அப்படித் தான்….
உங்களுக்குள் உறங்கிக் கொண்டிருக்கும் உங்களை நீங்களே எழுப்பி…
உலகத்தை உறுதியோடு பாருங்கள்…
வானம் ஒன்று…
வாழ்க்கையும் ஒன்று…
இதில் யாருக்கும் வேறுபாடில்லை.
ஒர் சாண் வயிற்றுக்கு மேலே எதுவும் நிரம்புவதில்லை….
தன்னம்பிக்கையை வளர்த்திடுங்கள்….
தடைகளை உடைத்திடுங்கள்…
தோல்விகளைப் படிக்கட்டாக்கி
வெற்றிக் கோட்டையை வென்றிடுங்கள்!