சிந்தனையை செயல் ஆக்குவோம்…
சொல்லை செயல்படுத்துவோம்…
செயலே முன்னேற்றத்தைத் தரும்…
செயலே உருவாக்கும்…
செயலே நிகழ்த்திக் காட்டும்…
அச்செயல் நற்செயலாக இருக்கட்டும்…
அச்செயல் நற்பலன்களை தரட்டும்…
கண்களை மூடிக் கொண்டால்
காட்சிகள் மாறாது…
தவிர்த்து ஒதுங்கி நின்றால்
மாற்றங்கள் நிகழாது…
முடிவுகள் சிறந்ததாக அமைய,
முயற்சிகள் நேர்த்தியானதாக
இருக்க வேண்டும்…
சீரிய சிந்தனைகளும்
அதிலிருந்து பிறந்த
நற் செயல்களுமே
நல்ல மாற்றங்களையும்
முன்னேற்றங்களையும்
இந்த சமூகத்திற்கு தரும்…
சக மனிதர்களிடையே நம்பிக்கை கொள்வோம்…
உள்ளங்களை ஊக்குவித்து உற்சாகப்படுத்துவோம்…
ஒவ்வொரு முயற்சிகளால் ஏற்படும் வெற்றியும்
இலட்சிய தீபமாய் நமக்கு வழிகாட்டட்டும்…
இனிய தீப திரு நாள் வாழ்த்துக்கள் !!
நீங்கள் எதை அதிகம் போற்றுகிறீர்களோ…
நீங்கள் எதை அதிகம் தூற்றுகிறீர்களோ…
அதை உங்களை நோக்கி ஈர்க்கும் காந்தமாக மாறுகிறீர்கள்…
நீங்கள் யாரை அதிகம் ஆதரிக்கிறீர்களோ…
நீங்கள் யாரை அதிகம் எதிர்க்கிறீர்களோ…
அவர்களின் தன்மையையும், குணங்களையும் ஈர்க்கும் காந்தமாக மாறுகிறீர்கள்…
தூற்றுவதும், எதிர்ப்பதும் யாரும் இல்லை என்றாகட்டும்…
நல்லவை போற்றி, நல்லவர்களை ஆதரித்து…
நற் பண்புகளை அள்ளி ஈர்க்கும் காந்தமாக மாறுவோம்…
நம்மால் ஊரும், வையகமும் புது சக்தி பெறட்டும்…
*பதவி*
*ப* சித்து இருப்போரையும்
*த* வித்து இருப்போரையும்
*வி* ழிப்புடன் கவனித்து
பணியாற்ற பயன்படட்டும்…
*பொறுப்பு*
அதிகாரத்தை
வெளிப்படுத்தாமல்
அன்பால் எம் மக்களுக்கு
சேவை செய்யட்டும்…
*கவனம்*
நம் தொகுதியில் உள்ள
கடைசி மனிதன் வரை
இருக்கட்டும்…
*உரிமை*
போராடிப் பெறாமல்
உரிய நேரத்தில்
உரியவருக்கு கிடைக்கட்டும்…
இவை
நிகழாத போது
நிகழ வேண்டியதை
கேட்டுப் பெறுவோம்…
தட்டித் திறப்போம்…
நிமிர்ந்து நில்லுங்கள்…
துணிந்து செல்லுங்கள்…
தடைகளை உடைத்திடுங்கள்…
நினைத்ததை நடத்திடுங்கள்…
கடமைகள் இனி புதியது…
கரங்களை இணைத்திடுவோம்…
முடிவு நம் படைகள் வெல்லும்…
வந்து போவார் கோடி பேர்கள்…
வாழ்ந்தவர்கள் யார்…
வென்றவர்கள் யார்…
விரைவில் உலகம் சொல்லும்…
உலகிற்கு
உணவளித்து
உயிர்காக்கும்
உழவர்களை நினைத்து
ஒவ்வொரு வேளை
உணவிலும் கை வைப்போம்…
விவசாய நலன்
விவசாய நலன்
என்று வெற்று கூச்சல் இடாமல்
உண்மையில் நம் சிந்தனை செயலாக்கம் பெறட்டும்…
பேரம் பேசாமல்
உரிய விலை கொடுத்து வாங்குவதில் ஆரம்பிக்கிறது விவசாய நலன்…
உண்மையான
விவசாய நலனுடன்
இந்த வையகம்
வாழ்வாங்கு வாழட்டும்…
செயல்படுத்தாத
எண்ணங்களால் பலனில்லை…
செயல்படுத்தாத
திட்டங்களால் பயனில்லை…
செயலாக மாறாத
சொற்களால் பயனில்லை…
சொற்களும் எண்ணங்களும்
செயல்கள் ஆகட்டும்…
திட்டங்கள் நிறைவேறி பயன் தரட்டும்…
அறிவும் திறனும் கொண்ட
ஆகச்சிறந்த மனிதர்கள்
பங்காற்றட்டும்…
இந்த சமூகம் பயன் பெறட்டும்…
இந்த தீபாவளி திருநாளில்…
என் மக்கள் மனங்கள்
மகிழ்ச்சியால் நிறையட்டும்…
உள்ளும் புறமும்
இருளகற்றி தீப ஒளி ஏற்றப்படட்டும்
அந்த ஒளி வெள்ளம்
எம்மக்களை வாழ்வாங்கு
வாழ செய்யட்டும்…
திருவண்ணாமலை
மாவட்ட மக்கள்
ஒவ்வொருவருக்கும்
என் இனிய தீபாவளி
நல் வாழ்த்துக்கள்…
வாழ்வின்
உயர் பண்புகள் பற்றி
தெரியும் என்பது வேறு…
வாழ்வின்
உயர் பண்புகள் பற்றி
புரியும் என்பது வேறு…
தெரிவதும்,
புரிவதும் வாழ்வது ஆகாது…
உயர் பண்புகளை
கடைப்பிடித்து
வாழ்ந்து
இந்த உலகத்திற்கு
பயனளிக்கும் மனிதர்களே
பெரும் தலைவர்களாக
போற்றப்படுகிறார்கள்…
தெரிவோம்…
புரிவோம்…
வாழ்வோம்…
பயன் தருவோம்…
உங்களால்,
நம் ஊர் மக்களால்…
நம் தொகுதி மக்களால்…
இந்த நாடு நலம் பெறட்டும்…
இவ்வையகம் சீர் பெறட்டும்…
உங்களின் நல்லெண்ணங்கள் போதும்…
இவ்வுலகின் பலபகுதிகளில்
நல் விளைவுகளை அது உருவாக்கும்…
மனித சங்கிலி அமைக்க
கைகள் கோர்க்காவிட்டால் என்ன,
மனங்களால் ஒன்றிணைந்து
மன சங்கிலி அமைப்போம்…
மனம் மணம் வீசட்டும்…
அதன் வாசத்தில் இவ்வுலகம் புது சுவாசம் பெறட்டும் !
நல்லார் ஒருவர் உளரேல்
அவர் பொருட்டு எல்லோருக்கும்
பெய்யும் மழை…
நம்மில் உள்ள நல்லார்
ஒவ்வொருவருக்காகவும்
பெய்யட்டும் மழை…
உழவும் தொழிலும்
செழித்து ஓங்கட்டும்…
எம் மக்கள் வாழ்வாங்கு வாழட்டும்…
கொடுங்கள்…
கொடுத்துக்கொண்டே இருங்கள்…
உழைப்பை கொடுங்கள்…
நேரத்தை கொடுங்கள்…
அறிவை கொடுங்கள்…
அன்பை கொடுங்கள்…
ஆற்றலை கொடுங்கள்…
அனைத்தையும் கொடுங்கள்…
இவ்வையகம் வாழ்வாங்கு வாழட்டும்…
கொடுங்கள், கொடுக்கப் படுவீர்கள்…
கொடுப்பவருக்கே இங்கு அனைத்தும் கொடுக்கப்படும்…
நல்லவை
நம்மில் இருந்து
தொடங்கட்டும்…
நல்லவை
நம்மைத் தாண்டியும்
தொடரட்டும்…
நல் உலகு படைப்போம்…
அதை அடுத்த தலைமுறைக்கு பரிசளிப்போம்…
நாம் ஒவ்வொருவரும்
இந்த பிரபஞ்சத்தின் பிரதியாவோம்…
பிரபஞ்சத்தால் சாத்தியமானது
அனைத்தும் நம்மாலும் சாத்தியப்படும்…
இந்த இரகசியம் அறிந்தோர்
பிரபஞ்சத்துடன் இசைந்து பயணிக்கின்றனர்…
பிரபஞ்சத்தின் பேராற்றல்
அவர்கள் மூலமாக வெளிப்படுகிறது !
இந்த பிரபஞ்சமே
அவர்களுக்காக பணி செய்கிறது !!
இந்த பிரபஞ்ச இரகசியம்
நமக்காக பயன் தரட்டும்…