காலை வணக்கம்

இந்த பூமியில் அனைவரின் வாழ்க்கையும் நிறைகளும் குறைகளும் கலந்ததுதான்.

நிறைகள் மட்டும் உள்ளவர்களும் யாருமில்லை. குறைகளோடு மட்டும் வாழ்பவர்களும் யாருமில்லை.

வாழ்வில் எப்பொழுதும் ஏதேனும் ஒரு குறையை தேடித்தேடி நினைத்து கவலைப்படாதீர்கள்.

இல்லாத ஒன்றை மட்டும் நினைத்து நினைத்து ஏங்காதீர்கள்.

நீங்கள் வாழும் இந்த வாழ்க்கை
பல பேரின் பல நாள் கனவாக இருக்கலாம்.

நீங்கள் சுவாசிக்கும் காற்றைக் கூட சிலரால் முழுமையாக நிம்மதியாக சுவாசிக்க முடியாமல் இருக்கலாம்.

நீங்கள் எவ்வளவோ கொடுத்து வைத்தவர்கள்.
“எனக்கு இது நடந்திருந்தால் நன்றாக இருந்திருக்கும்.

அது நடந்திருந்தால் நன்றாக இருந்திருக்கும்”
என்று நினைக்காமல்…

“எனக்கு நடக்கும் அனைத்தும் நன்றாகவே நடக்கிறது.
எனக்கு என்று உள்ளது என்னிடம் நிச்சயமாக வரும்.

எனக்கு தேவையான அனைத்தையும் பிரபஞ்சம் வழங்கிக் கொண்டுதான் இருக்கிறது .
எனது விடாமுயற்சி பல மடங்கு பலன்களைத் தரும்.

நான் மிகவும் சந்தோஷமாக ஆரோக்கியமாக இருக்கிறேன்.
என்று நினைத்து பாருங்கள்.
வாழ்க்கையில் மிகப்பெரிய மாற்றத்தை உணர்வீர்கள்.

இறைவன் தந்த நம் வாழ்க்கையில் அவரைத் தவிர வேறு யாராலும் நமக்கு சிறப்பாக வழி காட்ட முடியாது.

எல்லா நேரங்களிலும் நம் வாழ்வில் என்ன நடக்கிறது, ஏன் நடக்கிறது என்பதை நம்மால் புரிந்து கொள்ள முடியாது.

சில நேரங்களில் சில காரணங்கள் புரியாமல் இருப்பதே நல்லது.
இறை சக்தியை முழுமையாக நம்புங்கள்.

இறைவன் எப்பொழுதும் தவறும் செய்வதில்லை.
தாமதமாக வருவதும் இல்லை.
நாம் தான் அவசரப்படுகிறோம்.

எதிர்காலத்தில் என்ன நடக்கும் என்று நமக்கு எதுவும் தெரியாது.

முக்காலமும் உணர்ந்தவர் நம் வாழ்வை சிறப்பாக வழிநடத்துவார்.

சரியான நேரத்தில் சரியான இடத்தில் நமக்குத் தேவையான அனைத்தையும் வழங்குவார்.
முழுமையாக நம்புங்கள் .

இறைவனை நம்பி உங்கள் வாழ்க்கையை மகிழ்ச்சியாக வாழுங்கள்.

உங்களுக்கு என்று உள்ளது நிச்சயம் உங்களை தேடிவரும்.
அதை யாராலும் தடுக்க முடியாது.

இறைவன் அருளால் உங்கள் வாழ்வில் எல்லா வளமும் நலமும் பெற்று சிறப்பாக வாழ்வதற்கு வாழ்த்துக்கள்

இந்த பூமியில் ஒவ்வொன்றும் ஏதோ ஒரு சக்தியால் கவனிக்கப்படுகிறது.
நமது ஒவ்வொரு சிந்தனைகளும் எதைப் பற்றியது என்று கவனிக்கப்பட்டு நம்மிடம் கொண்டுவந்து சேர்க்கப்படுகின்றது.

நாம் எதை அதிகமாக நினைக்கிறோமோ அதை ஈர்க்கின்றோம். (We attract what we think)
நமது ஒவ்வொரு செயல்களும் கவனிக்கப்பட்டு அதன் விளைவாக நமக்கு நடக்கும் அனைத்தும் நடக்கின்றது.

நமது ஒவ்வொரு வார்த்தைகளும் கவனிக்கப்பட்டு அவற்றிக்கு உயிர் கொடுக்கப்படுகின்றது.
சிலருக்கு வேண்டியது கிடைக்காமல் போவதற்கான ஒரே காரணம்
எதிர்மறை சிந்தனைகளால் வரும் நம்பிக்கையின்மை.

முதலில் பிரபஞ்சத்தை நம்பாதவர்கள் இறுதியில் தன்னையே நம்பாமல் தோல்வி அடைகின்றனர்.
முழு நம்பிக்கையுடன் நாம் முயற்சிக்கும் அனைத்தும் நிச்சயமாக பிரபஞ்சத்தால் ஒரு நாள் நமக்கு வழங்கப்படும்.

உங்களை நம்புங்கள்.
உங்களைப் படைத்த இறைவனை நம்புங்கள்.
அந்த இறைவன் நீக்கமற நிறைந்திருக்கும் இந்த பிரபஞ்சத்தை நம்புங்கள்.
நம்பிக்கையுடன் கூடிய முயற்சி வானத்தையும் வசப்படுத்தும்!

சில நேரங்களில் நாம் எதிர்பார்த்த அனைத்து விஷயங்களும்
சரியான நேரத்தில் எதிர்பார்த்தபடியே நடக்கலாம்.

சில நேரங்களில் நடக்காமலும் போகலாம்.
எந்த நிலையிலும் சோர்ந்து விடாதீர்கள்.

வாழ்வில் எல்லோருக்கும்
எதிர்பார்க்கும் அனைத்தும்
எதிர்பார்த்த நேரத்தில்
எதிர்பார்த்தபடியே நடப்பதில்லை.

ஆனாலும் சிலர் சோர்ந்து விடாமல் மகிழ்ச்சியுடன் வாழ்கின்றனர்.

காரணம் அவர்கள் தன்னைவிட தன்னை படைத்தவனின் திட்டத்தை முழுமையாக நம்புகின்றனர்.

முழுமையாக இறைவனிடம் சரணடைந்த பின்பு நடக்கும் அனைத்தும் நல்லதாகவே தெரியும்.

உங்கள் வாழ்வில் உங்கள் திட்டத்தை விட
உங்களை படைத்தவனின் திட்டம் மிகச் சிறப்பாக இருக்கும்.

முழுமையாக இறைவனின் திட்டத்தை நம்புங்கள்.

நீங்கள் நினைப்பதை விட மிகச் சிறப்பாக வாழ்வீர்கள்!

நமது பிரபஞ்சத்தில் அனைத்திற்கும் அதற்கான நேரம் தேவை.

ஒரே நாளில் இங்கு அனைத்தும் நடந்து விடாது.

நீங்கள் நினைத்தது நடக்கவில்லை என்றால் சோர்ந்து விடாதீர்கள்.

நடக்கும் என்ற நம்பிக்கையும் பொறுமையும் இருந்தால் இந்த உலகில் எதையும் நம்மால் அடைய முடியும்.

நம்மை உருவாக்கி நமக்குள் நிறைந்திருக்கும் இறை பேராற்றலை முழுமையாக நம்புங்கள்.

நீங்கள் செய்யும் ஒவ்வொரு சிறு செயலுக்கும் அதற்கான பலன்கள் நிச்சயமாக பல மடங்காக வந்து சேரும்.

எந்த சூழ்நிலையிலும் நம்பிக்கையை இழக்காதீர்கள்!

நிச்சயமாக நினைத்ததைவிட சிறப்பாக வாழ்வீர்கள்!

பூமியில் நாம் வாழ கிடைத்த ஒவ்வொரு நாளும் ஒரு புதிய வாய்ப்பு.

ஒவ்வொரு நாளையும் மகிழ்ச்சியோடும் நம்பிக்கையோடும் துவங்குங்கள்.
ஒரு நாளின் துவக்கமே அந்த நாள் எப்படி என்பதை முடிவு செய்கிறது.

தொடக்கம் சரியானதாக இருந்தால் முடிவும் சரியானதாக இருக்கும்.
இன்றைய நாளை நல்ல எண்ணங்களுடனும் நேர்மறையான சிந்தனைகளுடனும் துவங்குங்கள்.
வாழ்வில் எந்த சூழ்நிலையிலும் சோர்ந்து விடாதீர்கள்.

இறைவனிடம் நீங்கள் வைக்கும் பிரார்த்தனைகள் என்றும் வீணாவதில்லை.

சரியான நேரத்தில் சரியான நபர்களால் உங்கள் பிரார்த்தனைகள் அனைத்தும் நிறைவேற்றப்படும்.

காத்திருக்க கற்றுக் கொள்ளுங்கள்!
காலம் அனைத்தையும் மாற்றும்!

மாற்றம் ஒன்றே மாறாதது.

இறைவன் கண்டிப்பாக ஏதோ ஒரு காரணத்திற்காகவே நம் வாழ்வில் மாற்றங்களை ஏற்படுத்துகிறார்.
அதேபோல தினந்தோறும் நாம் செய்யும் சிறு சிறு மாற்றங்கள் நம் வாழ்க்கையையே மாற்றும் வல்லமை படைத்தவை.

ஒரே மாதிரியாக செயல்களைச் செய்து கொண்டே இருந்து வெற்றி கிடைக்கவில்லை என்றால் ஒரு சிறிய மாற்றத்தை ஏற்படுத்தி பாருங்கள்.

முக்கியமாக எண்ணங்களையும் சிந்தனைகளையும் மாற்றுங்கள்.
ஒவ்வொன்றையும் நீங்கள் பார்க்கும் பார்வையை மாற்றுங்கள்.

செய்யும் செயல்களில் சிறிய மாற்றங்களை ஏற்படுத்துங்கள்.
உங்கள் வாழ்க்கை மாறுவதை உங்களால் உணர முடியும்.

மாற்றம் தேவை. நல்ல மாற்றம் நம் வாழ்க்கையையே மாற்றும்..

இறைவன் அருளால் உங்கள் வாழ்க்கையில் சிறப்பான மாற்றங்கள் ஏற்பட்டு அற்புதமான அபரிமிதமான வளர்ச்சி பெறுவதற்கு வாழ்த்துக்கள்💐

இந்த நாள் ஒரு அற்புதமான நாளாக அமையட்டும்

வாழ்வில் ஒவ்வொருவரின் பாதைகள் வேறு பயணங்கள் வேறு.

சிலரின் பயணத்தில் வழிகள் ஏற்கனவே ஏற்படுத்தப்பட்டிருக்கலாம்.
வலிகள் இன்றி அவர்கள் பயணம் செய்யலாம்.

சிலரின் பயணத்தில் வழிகளை உருவாக்க வேண்டி வரலாம்.
வலிகள் நிறைந்த பயணமாக இருக்கலாம்.

வலிகளை அனுபவித்த நாட்களே மிகச் சிறந்த வழிகாட்டியாக இருக்கும். உங்கள் வலிகளுக்கான பல மடங்கு பலன்கள் நிச்சயம் கிடைக்கும்.

வழிகள் தெரியாமல் நிற்கும் பொழுது சோர்ந்து விடாதீர்கள் உங்களுக்காக இறைவன் ஒரு புது வழியையே உருவாக்கலாம்.

உங்களுக்கான பாதைகள் உங்களை வாழ்வில் மிகச் சிறந்த நிலைக்கு இட்டுச் செல்லலாம்.

ஆகவே பாதைகள் எப்படி இருந்தாலும் இறைவனை நம்பி பயணத்தை தொடருங்கள்.
உங்கள் பயணங்கள் நிச்சயமாக சிறப்பாக இருக்கும்.

இன்று நீங்கள் படும் கஷ்டங்களை வைத்து நாளை உங்கள் வாழ்க்கையை நிர்ணயித்து விடாதீர்கள்.
பிரபஞ்சம் எந்த நேரத்திலும் யாருடைய வாழ்விலும் எத்துணை பெரிய அதிசயத்தையும் நிகழ்த்தலாம் .
நாம் அதை வரவேற்க தயாராக இருந்தால் மட்டும் போதும்.
நேர்மறையான சிந்தனைகளோடும் நம்பிக்கையோடும் இருங்கள். நிச்சயம் நல்லதே நடக்கும்.