கலசப்பாக்கம் அடுத்த மேலாரணி அரசு மேல்நிலைப்பள்ளி வளாகத்தில் தமிழக முன்னாள் முதல்வர் புரட்சித்தலைவி அம்மா அவர்களின் 72-வது பிறந்த நாள் தினத்தை முன்னிட்டு மாவட்ட அளவிலான அரசு பள்ளி மாணவர்களுக்கும் இளைஞர்களுக்கும் பட்டிமன்றம், ஓவியப்போட்டி, பேச்சுப்போட்டி அன்னதானம் மற்றும் நலத்திட்ட உதவிகள் வழங்கும் நிகழ்ச்சி, பள்ளியின் தலைமை ஆசிரியை பரிமளா தலைமையில் நடைபெற்றது. இந்த நிகழ்ச்சிக்கு சிறப்பு அழைப்பாளராக கலசப்பாக்கம் சட்டமன்ற உறுப்பினர் திரு.வி.பன்னீர்செல்வம் பங்கேற்று பல்வேறு விளையாட்டுகளில் பங்கேற்கும் மாணவர்களுக்கு டி-ஷர்ட்களை வழங்கி தமிழக அரசு பள்ளி கல்வித்துறைக்கு செய்து வரும் எண்ணற்ற பல சாதனைகளையும் திட்டங்களையும் மாணவர்களுக்கும் இளைஞர்களுக்கும் எடுத்துரைத்து சிறப்புரையாற்றி நிகழ்ச்சியை துவக்கி வைத்தார். இந்த நிகழ்ச்சியில் கழக நிர்வாகிகள், பள்ளியின் உதவி ஆசிரியர்கள், ஆசிரியர்கள் மற்றும் உடற்பயிற்சி ஆசிரியர்கள் பங்கேற்று சிறப்பித்தார்.
